ASSIT Inuusuttut AWG-mut postkortiliortut

Arctic Winter Games qanilligaluttuinnarpoq, Nuummilu aappaagu marsimi ukiuunerani unammiuaartoqarnissaa saqqumilaartinniarlugu isumassarsiat nutaat saqqummiunneqallattaartuarput.
Allattoq Karsten Sommer
novembarip 25-at 2015 04:50
Nutserisoq Simon Uldum -

Tele-Post eqqumiitsuliortut inuusuttut sisamat suleqatigalugit postkortinik kusanarluinnartunik arfinilinnik, aamma "Go Cardsinik" taaneqartartunik, Arctic Winter Games 2016-imut atatillugu saqqummersitsivoq.

Postkortit Danmarkimi sutorniartarfinni atugaalluareerput akeqanngitsumik tiguinnarneqarsinnaallutik. Soorlu nivinngaavimmut nillataartitsiviulluunniit matuanut nivinngarlugit pinnersaatitut atorlugit imaluunniit ikinngutinut nassiussassatut atorneqartarlutik. Postkortillu Nuummi sutorniartarfinni sumiiffinnilu aalajangersimasuni piffissami aggersumi akeqanngitsumik pissarsiarineqarsinnaanngussapput.

Postkortit arfiniliusut eqqumiitsuliortunit pikkorilluinnartunit sisamanit suliaapput, tassaallutik: Ivínguak’ Stork Høegh, Kristine Kreutzmann, Lisa Kreutzmann kiisalu Poul Møller, taakkulu tamarmik Nuummi Eqqumiitsuliornermik ilinniarfimmi ilinniarsimasuupput.

- Go Cardsit arfiniliusut AWG2016-ip oqaasinnaavanut ‘PEQATAAGIT - MISIGISAQARIT - PISSIGIT’-mut qanoq nassuiaateqarnertik eqqumiitsuliortut namminneq takutippaat. Go Cardsit AWG2016-mi pisussat pillugit paasissutissiipput. Qanga Inuit pinnguaataat kiisalu ullutsinni ukiuunerani timersuutit imminnut akoorluarneqarput, AWG-mi pisortamut tullersorti Arnakkuluk Jo Kleist taama oqarpoq.

 

Go Cardsit angisuunngorlugit

Assi © : Kristine Kreutzmann

Kristine Kreutzmann

Assi © : Lisa Kreutzmann

Lisa Kreutzmann

Assi © : Lisa Kreutzmann

Lisa Kreutzmann

Assi © : Poul Møller

Poul Møller

Assi © : Poul Møller

Poul Møller

Assi © : Ivínguak’ Stork Høegh

Ivínguak’ Stork Høegh