Inuusuttut atuakkanik kalaallisuunik atuarusunngillat
- Atuakkanik saqqummersitsisarneq taamatut akuttutigissappat nunatsinni atukkiortarneq unissaaq, Ilisimatusarfimmi oqaatsit pillugit ilisimatusartoq Malik Chemnitz oqarpoq. Atuakkanik atuaraangami tuluttut qaallunaatullu allatanik Malik atuartarpoq, oqaatitsigut katitigaanerat kusaginerusaramiuk atuaruminartillugulu.
Pilunnguaq Nielsen kulturimik inuiaqatigiilerinermillu ilisimatusarpoq, Pilunnguaq qallunaatut allassimasunik atuarnerusarpoq sukkanarnerutikkamiuk atuaruminarnerutillugulu.
Malik Chemnitzip kalaallisut allatat atuaruminnaatsittarpai katitigaanerilu pissanganarsaagaanginneri pissutigalugit.
Atuakkanik kalaallisut allatanik qinigassaqarnerusuuppat Malik atuarusussinnalluni oqarpoq, Pilunnguaq soqutiginartunik saqqummertoqarpat atuarsinnaalluni oqarpoq, kisianni ulluinnarni qallunaatut allatanik atuarnerusarpoq.
Oqaluttualianik piviusunik aallaveqartunik kusanartumik allatanik saqqummertoqarpat Malil Chemnitz atuarsinnaalluni naammagissallugulu oqarpoq. Pilunnguaq asanninnilersaarutinik pissanganartulianik ersinartulersaarutinillu saqqummertoqarpat atuarusussinnaalluni oqarpoq.
- Kalaallit Nunaanni inuusuttut akornanni atuakkialerineq sammineqanngilaq, taamaattumik kalaallit atuakkiaannik soqutiginninneq annikippoq- aamma nammineq allatanik takussaaasoqanngilaq, Malik Kleist oqarpoq.
Kalaallit atuakkiortutut pisinnaasut sassarternissaat Malik Chemnitzip kissaatiginartippaa.
