Inuusuttut ataatsimiiginnaleqaat
Danskit naalagaaffiani meeqqat atuartut anginerit 180-t ukiumoortumik folketingimi inatsisissatut siunnersuutitik aappaagu februaarip tallimaani ataatsimiissutigissavaat.
Nuummi Ukaliusap atuarfiani 10. klassimi atuartut pingasut peqataassapput. Folketingimi ilaasortat inatsisissatut siunnersuutit 1298-t misissoreerpaat. Danmarkimi, Savalimmiuni nunatsinnilu atuarfinnit 185-iusunit klassit 323-t siunnersuutinik nassiussisimapput.
Ukaliusap atuarfiani atuartut folketingimi ataatsimeeqataasussat nunatsinni nunamut igitassaminnik igitsiinnartartut uisakajaartissagunarpaat.
Aqqusinermut pinngortitamullu eqqaasarneq atuartut qatsuppaat. Igitsisimasut tamarmik 300 koruuninik igitsisimatillutik tamatigut akiligassinneqartarnissaat atuartut siunnersuutigaat.
Inuit sumut tamaanga eqqaasarnertik unitsinniassallugu taamaalillutik ilikkarniassavaat!
Inatsisissatut siunnersuutit 60-iusut eqqartorneqartussatut toqqakkat maanna inuusuttut parlamentiata nittartagaatigut ataatsimiititaliani qarasaasiakkut suliarineqartussanngortinneqarput aappaagulu ulloq ataatsimiiffissaq tikitsinnagu piareersimassallutik.
