Inuusuttut arfinillit Nuup Eqqartuussiviani

Nivissat pingasut angutillu inuusuttut pingasut, angummik 19-inik ukiulimmik unataasimasutut Nuummi ullumi eqqartuunneqarput.

Nivissat pingasut angutillu inuusuttut pingasut angut 19-inik ukiulik unatarlugulu qimaatsaaliorsimaneranut atatillugu eqqartuunneqarput.

Sermitsiami atuarneqarsinnaavoq sapaatip akunneri marluk matuma siorna angut 19-inik ukiulik nivissanit unnerluutigineqartut ilaannit aaqqiagiinngissuteqalersimasoq. Kingorna angut angerlarsimaffianit anninneqarpoq, aallarunneqarluni unatarneqarlunilu. Unnerluutigineqartut nassuiaatigaat angutip 19-inik ukiullup nivissat ikinngutaasa ilaat 15-inik ukiulik arnaqatiminoortartuunerarsimagaa ajassimagaalu, taamaammat akiniaasoqartoq.

Suliap aallartinnerani nivissat 15-it 21-llu akornini ukiullit kisimik tigummineqarallaraluarput unnerluutigineqarlutillu; kingusinnerusukkulli angutit inuusuttut pingasut unnerluussinermi ilanngunneqarlutik. Nuummi politeeqarfimmi pisortaq Morten Nielsen oqarpoq.

Unnerluussisuusut piumasaraat unnerluutigineqartut marluk qaammatini pingasuni tigummineqartussanngortinneqassasut, ataaseq ulluni 60-ini parnaarunneqassasoq nukarliillu nakkutigisassanngortinneqassasut.

Nuummi politiit oqaatigaat, suliap piaartumik suliarineranut pissutaatinneqarpoq unnerluutigineqartut ukiukinnerat. Kisianni suliap anusinngorsaatitut paasineqarnissaa unnerluussisup aamma kissaatigaa.

Eqqartuussinermi pineqaatissiinerit suli nalilersorneqarmata qanoq inerneqarnersut oqaatigisinnaanngikkallarparput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat