Inuusuttut amerlanerusut sulilersinnaanissaat suliniutigaat
Nuummi Piareersarfiup suliffeqarfiullu Usisaatip suleqatigiinnerisigut inuusuttut amerlanerusut sulilernissaminnut periarfissinneqarput, suliarlu iluatsilluarpoq.
Inuusuttut amerlanerusut sulinermut suliffimmilu sungiusarsinnaanissaat pillugu Kommuneqarfik Sermersooq, Sulisitsisullu Peqatigiiffiata Nuummi immikkoortortaqarfia siorna 2014-imi isumaqatigiissusiorput.
Suliffeqarfik nutserinermik sulialik Usisaat inuusuttut amerlanerusut sulilersinnaanissaannut periarfissiiniarluni suliffeqarfiit peqataaniarlutik nalunaartut akornanni siulliit ilagaat.
Inuusuttut tallimat Usisaat aqqutigalugu sulinermut suliffimmilu sungiusarsinnaalersimapput, sulisuilu amerlassusaannut naleqqiukkaanni inuusuttut taama periarfissinneqartut amerlapput.
Inuusuttut taakku sulinermik sungiusarnerminni ilinniagaqarnersiuteqartinneqarput, nalinginnaasumillu qaammatini pingasuniit arfinilinni sulinermut sungiusarsinnaasarlutik, najukkamilu Piareersarfiup suliffeqarfillu sungiusarfigineqartup sulineq ingerlaavartumik naliliiffigisarpaat.
Inuusuttoq suliffimmit Piareersarfimmillu peqataaffigineqartumik oqaloqatigineqartarpoq.
Inuusuttut amerlanerusut sulinermut sungiusarsinnaanissaannut ammanertik Usisaatip tusagassiuutinut nalunaarummi allaaseraa.
