Inuusuttut akisunnerat aallarteqqippoq
Inuusuttunut radio Kalaallit Nunaata Radioatigut aallakaatinneqartartoq ”Inuusuttut Akisunnerat” sivisuumik uninngareerluni Namminersornerullutik Oqartussani Paarisa suleqatigalugu ullumi aallarteqqippoq.
Qaammammut marloriarluni aallakaatitsisarnissat saniatigut inuusuttut periarfissaqalerput, oqallisissianik kiisalu misigisanik radiokkut oqallisigineqarsinnaasunik internetimi nittartakkamut saqqummiisarnissamut.
- Inuusuttorpassuit annertuunik namminneerluni aaqqinneqarsinnaanngitsunik ajornartorsiuteqarput, radiokkullu aallakaatitassiaq nittartagarlu atorlugit periarfisissaqalerput, ulluinnarni inuunerminnik sunniisuusunik oqallinnissamut. Aallakaatitassiamik aaqqissuisoq Paninnguaq Abelsen tusagassiutitigut nalunaarummi ilaatigut taama oqarpoq.
”Inuusuttut akisunnerat”-a internetikkut nittartagaa taaguuteqarpoq: www.inuusuttutakisunnerat.gl