Inuusuttut akerliupput
Frankrigimi Sorbonne universitet-ip eqqaani inuusuttut 100.000-ilikkaat akerliussutsimik takutitsisut, qulliliornartunik imermillu seqqartaassuarnik seqqitsarneqarlutik politiinit avissaartinniarneqarput.
Inuusuttut akerliussutsimik takutitsinerat pissuteqarpoq, Frankrigimi naalakkersuisut inuusuttunik ajornannginnerusumik soraarsitsisinnaanermik pilersaarusiornerat ingerlanneqarmat.
Inuusuttut kamaqqaqisut Sorbonne-imi bankit ilaannut ujaqqanik milluulermata, politiit avissaartitsiniartariaqarsimapput.
Ajornannginnerusumik soraarsitsisinnaaneq anguneqassappat, suliffissaaleqisut suliffissaqalernissaat, sulisut taaseraannerusinnaaneri sulisullu sulilluarnerusinnaaneri anguneqarsinnaasoq, Frankrigimi naalakkersuisut isumaqarput. Tamannalu inuusuttorpassuarnit naammagineqanngilaq. Frankrigimi inuusuttut suliffissaaleqisut europami inuusuttunut allanut naleqqiullugit amerlanerupput, Frankrigimi inuusuttut suliffissaaleqisut 50 procentiummata.
