Inuusuttut 75-it festivalimi angalasumi Nunat Avannarliit tamaasa angalaffigissavaat
Suleriaaserineqartussami suleqatigiit tallimat, tamarmik immikkut 15-inik inuttaqartut Nunani Avannarlerni illoqarfiit ilaani naapisinneqassapput.
Suleqatigiit tamarmik immikkut sammisamik aalajangersimasumik pilersitaqassapput, soorlu makkuninnga: nipilersorneq, qitinneq, cirkusi, isiginnaartitsineq aamma eqqumiitsuliorneq. Taakkua ulluni qulini illoqarfinnut sisamanut angalassapput, illoqarfimmilu tikitaminni inuusuttunik 15-inik peqateqarlutik sammisaqassallutik.
Suleqatigiit angallavissaat assigiinngillat, naggataatigullu katersuuffissaat tassaalluni Finlandimi illoqarfik Joensuu. Tassani naggataarutigalugu festivalertoqassaaq taasamik Septacle, suleqatigiillu tamarmik silami angisuumik aaqqissuussami takutitsissallutik.
Suleqatigiit ilaata, nipilersoqatigiit, angalanertik Nunatsinni aallartissavaat, tassa Ilulissani. Taakkua tassanngaanniit timmisartumik ingerlaqqissapput siullermik Reykjavikimut, taava Sverigimut Utsjoki-mut naggataagullu Finlandimut Joensuu-mut angalassallutik.
Inuusuttut sulerusussusillit 14-init 17-inut ukiullit angalanissamut peqataarusullutik aggustimit qinnuteqarsinnaalissapput. Tamanna pissalluni nammineq pilluni videoliamik uunga inissiinikkut: www.nordiclight2014.com