VIDEO Inuusuttunut nipilersornermik pikkorissartitsilerput

Piorsarsimassutsikkut Inuusuttunut Peqatigiiffik, PIP, nipilersuutinik akeqanngitsunik Danmarks Radiomit tunisutisiani atorluassammagit aaqqissuisut nuannaarutigaat.

- Nuannaaqaagut DR-imit nipilersuutinik tunisinnikuugatta, Ivalo Parbst Frederiksen PIP-imi siulittaasoq KNR-imut oqarpoq.

Pikkorissaajartorlutik tikittussat inuit 13-iupput.

Inuusuttunut pilerinarluinnarpoq:

- Tusaamasat ilaassapput, Simon Lunge, Aviaaja Lumholt, Nive Nielsen, Pilutannguaq Løvstrøm Hammeken aamma Jonas Nilson. Aamma musikkonservatorieminngaanniit ilinniartut tallimapput, Ivalo Parbst Frederiksen oqarpoq.

Nipilersornermik erinarsornermillu pikkorissarfissaqartariaqarpoq.

- Atuarfik inoqannginnerani ammassutigigaluarparput taakaniittarnissaat, kisianni nammineq isumaqatigiissusiorsimapput Campus Kujalleq suleqatigalugu Campus Kujallermiinniarlutik, taava saniatigut kommuniminngaanniit aamma tunivarput klubbimi nipiliutit assigiinngitsukujuit aamma atorsinnaasut klubbimi aamma taanna ammaffigiumaarpaat, Lasse R. Gustavsen Kommune Kujallermeersoq KNR-imut oqarpoq.

Suli peqataasussanut inissaqarpoq.

- Inuusuttunut pilerinaqaaq, qaa suli aamma, Ivalo Parbst Frederiksen inuusuttunut kajumissaarivoq.

- Inuusuttunut periarfissatsialarujussuugami aamma taanna ilaa susassaqartitsillunilu pinaveersaartitsillunilu soorlu aamma inissisimagami, qaqugu taamaattoqaqqissava? Torrak, Lasse R. Gustavsen kajumissaarivoq.