Inuusuttunut aningaasarpassuit

Meeqqat inuusuttullu ornittagassaat Mælkebøtten, Nuummilu Inuusuttut Siuarsartut aningaasarpassuarnik tunissutisipput.

Inuusuttut sumiginnakkat ornittagassaat Mælkebøtten, illup ingerlanneqarnissaannut ilassutissatut 200.000 koruuninik tunineqarpoq.

Danmarkimi aningaasaateqarfiit marluk Mælkebøttenimut tunissuteqarput, ornittagassarlu taanna ukioq 2006 ilanngullugu ingerlanneqarsinnaalissaaq.

Aammattaaq Svend Junge Nuummi inuusuttut aningaasaliiffigai. Nuummi Inuusuttut Siuarsartut 1 million koruuninik tunissuteqarfigigamigit. Aningaasat taakku Nuummi Inuusuttut Siuarsartut illussaannut atorneqassapput.

Illussaq katillugu 8,5 million koruuneqassaaq, aningaasallu taakku qulakkeerneqareerput. Dansk Tipstjenestemit, Nuup Kommunianillu aningaasaliisoqareermat, Svend Junge-p tunissutai illussamut aningaasartuutissat matussuserneqarput.

Illussaq aappagu aggustimi atorneqalersinnaanissaa siunnerfigineqarpoq.