Inuusuttunnguaq Qaalasersuarmik tikitseqisoq
Qalasersuaq oqaluttuarisaanermi aatsaat taama inuusutsigisumik anguneqarpoq, taama Australiamiut aviisiat The Australian allaaserisaqarpoq.
Qalasersuarmik tikitsiniartunut ilaalluni, apriilip 20-anni inuusuttunnguaq 15-inik ukiulik Skotlandimeersoq, Jordan Maguire Qalasersuarmik tikitseqataavoq, taamaalillunilu Qalasersuarmik tikitsisimasuni inuusunnerpaatut oqaatigineqarsinnaalerluni.
Jordan Maguire Qalasersualiaqataanermini sioraateqarsimavoq, qamutillu 80 kilonik oqimaassusillit uniarsimallugit. Angalaqatigiit Ruslandimit Qalasersuarmut aqqutigisaat 179 kilometeriusimavoq, angalanerallu ulluni qulinik sivisussuseqarsimalluni.
Jordanip Maguire Qalasersuarmik tikitseqataanerminut atatillugu aningaasaateqarfiliorpoq, aningaasaateqarfialu meeqqanik ikiuiniarnermik sammisaqassaaq.
