Inuusuttuaqqat 15-it miss. ukiullit tillinniarsimasut 17-it sisamanngornerup tallimanngornerullu ingerlanerinnaanni Nuummi politiinit tigusarineqarput.
Tigusarineqartut ilaat pingasut tigummineqarallartussanngortinneqarput, sinnerilu 14-it iperarneqarallarsimapput, nakkutigineqartussaallutilli, Nuup politeeqarfiani pisortap tullia Johan Davidsen ilisimatitsivoq.
Tillinniarfigineqartarsimapput angerlarsimaffiit, angallatit, biilit suliffeqarfiillu. Inuussuttuaqqat tillitaasa ilaat politeeqarfimmi paarineqartut, tillinniarfigitissimasullu pigisaminnik tammaasaqartut qinnuigineqarput Nuummi politeeqarfimmut saaffigineqqullugit.
Januaarimiit tillinniarnerit 50-t Nuummi nalunaarutigineqarsimapput.