Inuusuttuaraq toqutsisutut eqqartuunneqartussanngorpoq
Gerda Møller angerlarsimaffimmini siorna savimmik kaporneqarlunilu niaqqumigut anaalerneqarpoq. Toqutsineq politiinit paasineqaqqaarmalli ”peqqarniitsumik toqutsinertut” oqaatigineqarpoq.
Malinnaaffigineqarluartumik misissueqqissaartoqareersorlu pasineqartoq septembarimi tigusarineqarpoq.
Pinerluffimmi tuminik misissuinerit takutippaat ateraasat toqutsisumit atorneqartut niuertarfimmi Bilkami tunisat tusintiusut ilagigaat. Ateraasarsisut dankortimik akiliutaasa nalunaarsornerinik misissornerisigut angut inuusuttoq kinaassusersineqarpoq, malitsigisaanillu nunatsinniittoq politiinit tigusarineqarluni.
16-inik ukiullip arnamik utoqqarmik pinngitsaaliinini toqutsisuuninilu nassuerutigereerpai. Nakorsat pinerluuteqarsimasunik suliaqartartut siusinnerusukkut tarnimikkut nappaatilinnut inissinneqarnissaa innersuussutigigaluarpaat. Maannali nutaamik nalilersuisoqareerneratigut unnerluussisut pineqaatissiissutissatut piumasaqaatissaannut tamanna sunniuteqassangatinneqarpoq. Pilersaarutit naapertorlugit suliap qanoq ingerlateqqinneqarnissaa juulip 17-anni eqqartuussivimmi aalajangiiffigineqassaaq.
