Inuusuttuaqqat pokalinnapput
marsip 13-at 2005 17:19
Amerikap nunavittaani assammik arsarluni unammersuarnerit Argentinami ippassaq naammassimmata præmiasitsisoqarpoq, nunatsinneersullu inussuttuaqqat kingullernut tullerullutik inissipput.
Puerto Ricomullu kalaallit inuusuttuarartai ajugaagaluarlutik nunatsinneersunit pokalinnattoqarpoq.
Inuusuttuaqqani isertitsinerpaaq Andreas Lorentzen, unammersuarnermi 34-nik isertitsinerpaagami pokaalinnassutigaa.
Pokalip aappaa inuusuttuaqqanut nunatsinneersunut tunniunneqarpoq ileqqorissaarluarlutik assammik arsarluarsimammata.
Inuusuttuaqqat Argentinamit unnummut nunatsinnukarlutik allassapput, marlunngorpallu nunatsinnut pissallutik.