Inuusuttuaqqat pinerluttut tigusarineqarput
Pinerluutit assigiinngitsut pissutigalugit, angutit inuusuttut pingasut, 17-niit 22-it tungaanut ukiullit Nuummi politiinit tigummigallagassanngortinneqarput, taama oqarpoq Nuummi politiineersoq Bjørn Bay.
Inuusuttut ilaatigut pinerluutigisimavaat, tillinniarneq, biilernermut allagartaqarani biilersimaneq, nakuuserlutillu tillinniarsimasutut aamma pisuutinneqarput.
Piffissami sivitsulersumi politiit maluginiarsimavaat inuusuttuaqqat akornanni tillinniartoqartarnera. Amerlasuutigut nukappiaqqat 14-niit 18-it tungaanut ukioqartarput, allaat ilaatigut nukappiaraq 12-iinnarnik ukiulik biilinik tillinniarsimasoq paasineqarpoq.
Nuummi politiit kommunilu suleqatigiillutik nukappiaqqat siumut aallarnissaat anguniarlugu suliniuteqarput.
Ilaatigut inuusuttuaqqat arlaqartut sapaatit akunnerini pingasuni Qoornumiisinneqartut, ilaat piniariartarfimmiitinneqarlutik ilai Kujataani savaatilinniittussanngortinneqarput.
Taamatut aaqqissuussinerup siunertaraa nukappiaaluit torernerusumik ulluinnarni inuunermik malinnaasinnaanermut sungiusartinneqarnissaat, taama nalunaarpoq, Nuummi politiini fuldmægtigi, Bjørn Bay.
