Inuusuttuaqqat inuusat qiasartut sungiusaatigaat: Qasunaqaaq

Inuusat nangitik taarserneqartussanngoraangata, nerisariaqaleraangamik angajoqqaaniillu tagiartulaarneqarnissamik pisariaqartitsileraangamik qiasartunngorlugit sanaajupput. Aile Pedersen ullut marluk inuusamik paarsereerluni atuariartortoq ima oqarpoq.

- Qasunarpoq, qiaannaavikkami, meeraaraq ajunngikkalaurpoq kisianni unnuakkut minutsit tallimakkaarlugu qiaannaavikkami, nagilertikkusulluni, milukkusulluni nissaakkusullunilu.

Anaananngujaarnissat qanoq takorloorpiuk?

- Anaananngornianngilanga, uanga meerartaarusunngilanga, tassa ipparsarlu ippassaanilu qasusuunnujoorama.

Anaananngujoortarnerup qanoq inneranik paasisaqarpit?

- Anaananngujaartartut nallinnat.

Inuusuttoqatitit qanoq kajumissaassavigit taamatut misileereerninni?

- Usuup puua atortaruk, aamma inuusuttuaraalluni nuunuaraatitaarnissaq nuannerunartittaramikku, eqqarsaatigeqqaanngiivillugu qanoq kinguneqarsinnaanersoq, uffa qasunaruttortoq, Aile Pedersen oqarpoq.

Inuusat qiasartut sungiusaatitut atorneqartut Dronning Ingridip napparsimmavissuani Danmarkimilu ernisussusiortut suleqatigalugit ingerlanneqarpoq.