Inuusuttuaqqat biilinik aallarussisimasut pingasut tigusarineqartut

Angutit inuusuttuaqqa 16-inik ukiullit pingasut biilinik aallarussinernut marlunnut atatillugu Nuummi politiinit sisamanngormat unnuakkut tigusarineqarput. Politiit Facebookikkut taama ilisimatitsipput.

Allattoq Simon Uldum -

novembarip 08-at 2016 10:50

16-inik ukiulik ataaseq biilip matuersaataanik tillissinnarluni aallarussisimasoq - politiinut nalunaarutiginnittoqareersoq - biilimik aallarussimasaminik unnuakkut ingerlaartilluni politiinit unitsinneqarnermi kingorna tigusarineqarpoq, politiit taama ilisimatitsipput.

Aamma atuaruk Biilinik aallarussisut ajutoortut

Inuusuttuaqqat allat marluk politiit nalinginnaasumik nakkutilliitillutik sisamanngornerup unnuaani nalunaaqutaq 2.30-ip missaani unitsippaat. Biilimiipput inuusuttuaqqat 16-inik ukiullit marluk. Biilimik Landcruiserimik aallarussisimasut politiinit paasineqarpoq.

Inuusuttuaqqat 16-inik ukiullit pingasuusut biilinik aallarussisimasutut, allagartaqaratillu biilimik ingerlatsisimasutut unnerluutigineqarput kingornalu iperagaallutik.