Inuusuttuaqqat artorsaateqartut sakkussaannik atuakkiuunneqarput
Kalaallit Røde Korsianni Nuummi siulittaasup Otto Albrechtsenip atuakkap saqqummersinneqarnera pillugu ima oqarpoq:
Timikkut ajoqusertoqarsimatillugu ikioqqaarnissaq ukiut arlallit Røde Korsip ingerlattarsimavaa, ukiullu arlallit Røde Korsimit eqqarsaatigineqarsimavoq eqqarsartaatsimikkut ajornartorsiortunik, artorsaateqartunik ikioqqaarnissamut atuakkamik sakkussamik saqqummersitserusullutik, tamannalu maannakkut piviusunngorpoq pisariaqartinneqartorlu Kalaallit Røde Korsiannit malugineqartarpoq, Otto Albrechtsen oqarpoq. Atuagaq “Qangali nalunngitsuugukku” atuarfinni atuaqatigiinni angajullerni suleqatigiilluni sammineqarsinnaavoq. Atuagaq ilinniartitsisup atugassaanik ilitsersuutitaqarpoq. Inuusuttuaqqat ajornartorsiutitik aammalu artorsaatitik pillugit oqaloqatigiissinnaanerannik atuagaq sammisaqarpoq.
Kalaallit Røde Korsiata Nuummi siulittaasua Otto Albrecthsen taamatut oqarpoq. Atuagaq “qangali nalunngitsuugukku “ sinerissami atuarfinnut nassiussuunneqartoq Ilinniusiorfik nalunaarpoq.
