Inuusuttuaqqat aallaasinik tillittut

Nuummi inuusuttuaqqat angallatini nuannaariutini aallaasinik savinnillu tillipput.
Allattoq Noah Mølgaard
maajip 21-at 2012 06:42

Nuummi angallatit nuannariutit puttasuini Iggiaani arfininngornerup sapaatillu unnuaanni marlunngulersoq tillinniartoqarpoq inuusuttuaqqat sakkunik tillimmata. Takunnittut politiit kalerrippaat kinguninngualu inuusuttuaqqat 14-nik, 15-nik 16-inillu ukiullit unitsippaat taakkulu siullermik tillinniarsimanertik miserratigigaluarpaat.

Nuummi politiit ullaaq manna nalunaarput inuusuttuaqqat unitsinnerisa kinguninngua aallaasit pingasut, imassat saviillu nassaarineqarsimasut.

- Inuussuttuaqqat nassuerutigaat sakkut angallamit tillissimallugit tuniniarnissaallu pilersaarutigisimagaluarlugu. Tillitat piginnittuinut tunniunneqareerput, politiit nalunaarput.