Inuusuttuaqqanut akiuussutissaq
Inuusuttuaqqanik nipiliortunik ajornartorsiuteqaraanni, maanna aaqqiissutaasinnaasumik pisisoqarsinnaalerpoq.
Tuluit nassaarniallaqqissortaasa ilaat ”akiuussutissamik” nassaarsimavoq.
Tuluit Nunaanni Walesimi Howard Stapletonip inuusuttuaqqat suffeqaratik pisiniarfinnaami silataani nipiliortuartut qatsutivissimavai; ”akiuussutissamillu” nassaarnialersimalluni, naassaarsimavorlu nipimik inuusuttuaqqanik tatamiisinnaasumik!.
Inuusuttuaqqat qimarratigisariaqagaannik nipiliuummik inuusuttuaqqat siutaasa tusaaginnassallugu sapigaannik nipiliortartumik sanasimavoq. Paasivaalu 30-t sinnerlugit ukiullit nipi soqutigineq ajoraat, akornutiginerlu ajoraat.
Nipiliuut pitsaasimangaarmat Tuluit Nunaanni pisiniarfippassuit saqqaannut ”inuusuttuararniutit” ikkussuunneqarsimapput, inuusuttuararpassuillu pisiniarfinni, eqqannilu susassaqanngitsut takussaajunnaarsimallutik.
-Pisinianit utoqqaanerusunit naammagittaalliortunik saaffigineqanngilagut, nipiliuullu timikkut innarliisinnaangitsoq paasivarput, nipiliuummik nassaartoq Howard Stapleton aviisimi The Daily Telegraphimi issuarneqarpoq.