Inuusuttorpassuit sulerusupput piumassuseqarlutillu
Inuussutissarsiutitigut ilinniagaqartut 320-it Nuummi suliffeqarfinni assigiinngitsuni maannakkut sungiusaatigalugu sulipput, misissuitsinermi tamanna erserpoq.
”Inuussuttorpassuit sulerisupput piumassuseqarlutillu, Nuummi sulisitsisisut peqatigiiffiata siulitaasua Claus Jordening oqarpoq, nangillunilu:-inuusuttut periarfissikkumallugit suliffeqarfiit piumassuseqarnerat ersersinneqarpoq.
Nuuk Competence Center suleqatigalugu misissuisitsineq ingerlanneqarpoq.
Nuuk Competence Center inuusuttut ilinniarnerminni sungiusaatigalugu sulilernissaannik isumaginnittuusarpoq, isumaqatigiissusiortartuullunilu.
Taakkua saniatigut inuusuttut inuussutissarsiutitigullu ingerlataqartut akornanni attaveqataavoq, inuusuttut inuussutissarsiutitigut ilinniarnissamik kissaateqartut sulissullugit.
Nuummi sulisitsisut peqatigiiffiata siulitaasua Claus Jordening nuna tamakkerlugu naalakkersuinermik suliaqartunut oqariartuuteqarpoq, oqarluni meeqqat atuarfiini pissutsit puigorneqartut.
Meeqqat atuarfiini ilinniartitsisut 400-it amigaatigineqarput, tamaassumalu kingunerisarpaa, inuusuttuaqqat meeqqat atuarfiinit atuarunnaaraangamik atuarfimmi ilikkartariaqakkat pingaarnerit ilikkarnagillu atuarfinnit anisarput, tassanngaanniimmi inuussutissarsiutitigut ilinniagaqalernissamut ingerlaqqiffiusarmata, Nuummi sulisitsisut peqatigiiffianni suliaasoq Claus Jordening Sulisitsisit peqatigiiffiata Grønlands Arbejdsgiverforening-ip nittartagaani allappoq.