Inuusuttoq inuit tallimat saassutaraat
Aasianni angut 21-nik ukiulik arfininngormat ullaakkut arfineq-marlunut qiteqquttoq inunnit tallimanit saassunneqarpoq.
Allattoq Mads Lynge
aggustip 16-at 2010 12:25
Saassussisut tassaapput angutit inuusuttut sisamat, arnarlu 33-nik ukiulik. Angut annertunerusumik ajoqusersimanngitsoq, napparsimmavimmilu misissortereernermi kingorna angerlarsinnaasimasoq, David Kofoedip, Aasiaat politiivineersup nalunaarutigaa.
Saassussisut tallimat kingusinnerusukkut eqqartuuneqarumaartut, politiinillu tigummigallagaajumaartut, David Kofoedip nalunaarutigaa.
