Inuussutissarsiutit isumasioqatigiissutigineqarput

Inuussutissarsiutinik ineriartortitsinermut atukkat pitsaanerusut – tamatumunngalu siuarsaanerup nutaamik aaqqissuunneqarnera pillugu Kangerlussuarmi isumasioqatigiinneq inunnit 60-init peqataaffigineqartoq ullumi aallartinneqarpoq.

Qulequttat inuussutissarsiornermut pingaarutillit arlalissuit sammineqassapput, soorlu ilaatigut politikkikkut inuussutissarsiutitigut anguniakkat takorluukkallu oqalugiaatigineqassallutik, taakkulu ineriartorteqqinneqarnissaannut iliuusissat aamma saqqummiunneqassallutik.

Qulequtaannaat sammineqarnatik aammali nunatsinni inuutissarsiornermik qitiulluinnartumik aallussallit oqalugiassapput, soorlu Royal Greenlandip pisortaanera Keld Askær ”Kalaallit Nunaata siunissami suna inuussutissarsiutigissavaa” qulequtaralugu oqalugiassalluni.

Inuussutissarsiorneq pillugu saqqummiussisussat ilagaattaaq Inuussutissarsiornermut Naalakkersuisoq Johan Lund Olsen aamma kommuneqarfiit kattuffiata KANUKOKA-p siulittaasua Lars Karl Jensen. Suliffeqarfimmik aallartitsilluarsimasumut nersornaasiuttagaq naalakkersuisumit unnugu tunniunneqassaaq, isumasioqatigiinnerlu sisamanngorpat naggaserneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat