Inuussutissarsiutit

Nunatsinni inuussutissarsiutinik siuarsaanerup nutaamik aaqqissuussiffigineqarnera pillugu nunatsinni inuussutissarsiornermik sammisaqartut 70-it missaanniittut Kangerlussuarmi ulluni pingasuni isumasioqatigiinnerat naammasseqammerpoq

Kangerlussuarmi isumasioqatigiinnermi inuussutissarsiutitigut nutaaliornermut siunnersuisarnermullu susassaqarfiit erseqqarinnerumik paasisitsiuntigineqarput, Inuussutissarsiutitigullu tamatigoortumik nukittorsaanissaq sammineqarluni.

Nunatsinni takornariartitsiveqarfiup Greenland Tourismip pisortaata Stig Rømer Winther-ip isumasioqatigiinneq angusaqarfiulluarsimanerarpaa, oqarporlu inuussutissarsiutitigut nutaamik aaqqissuusseqqinnissaq peqataasunit tamanit tapersersorneqaluartoq.

Isumasioqatigiissimaneq iliuusissanik nutaanik pilersitsiuvoq. Kommuneqarfiit piukkunnartut siunnersuisarfeqalernissaat kiisalu

inuussutissarsiutinik siuarsaasut akornanni pitsaanersumik attaveqaqatigiinnissaq anguniarneqassapput.

Inuussutissasiutinik siuarsaasut internettikkut quppernerat Inussuk.gl Extranet-imik ilaneqassaaq. Siuarsaasutut misilittakkanik siammarsaaviussalluni, Stig Rømer Winther oqarpoq.

Nunatsinni sulisitsisut peqatigiiffiata GA-p isumasioqatigiinnermut peqataanngitsoornera, assut uggornartoq Stig Rømer Winther oqarpoq.

isumasioqatigiinnermut ilinniarsimanngitsut peqataanissaat siunertaralugu inuussutissarsiutinik ilinniartitaanermut tapiissutinik aningaasaliiffigineqarnissaannik innersuussutertik GA-mit paatsoorneqarsimasoq, Rømer Winther nassuiaavoq.