Inuussutissarsiutinut aningaasaliineq iluatsitsilluartitsissasoq

Vækstfondenimut Greenland Venture-imullu aningaasaliiniarnerit pisariaqartut mittarfinnullu pilersaarutinut ilaanera mittarfiliornissamut pissusissamisoortoq, timmisartuussisarneq pillugu naliliisartoq isumaqarpoq.

Danskit mittarfiliortiternissamut aningaasaliinerat Greenland Venture-imut Vækstfondenimullu 220 millionit koruuninik aningaasartaqarpoq. Tamannali pisariartoq, immikkut paasisimasalik isumaqarpoq.

- Mittarfiliuinnarnissaq naammanngilaq, Sydbankimi timmisartuussisarneq pillugu naliliisartoq, Sydbank Jacob Pedersen oqarpoq.

- Inuussutissarsiutinik siuarsaaniarnissap suliarinissaa pingaartorujussuartut isigaara.

AAMMA ATUARUK Løkke Nuummi Ilulissanilu mittarfinnik piginneqataarusuttoq

Mittarfiimmi sanaartoreeraanni aningaasatigut ajornartorsiulissanngikkaanni ilaasoqarnerulernissamut ussassaarutaasussanut aningaasaliinissaq pisariaqartoq, Jacob Pedersen oqarpoq.

- Mittarfinnimmi sanaartuinnarlugit suut tamarmik iluarsinissaat naatsorsuutigineqarsinnaanngilaq. Mittarfinni ilaasussaqarnissaata tunngavissaqartinniarnissaanut tunngavoq, taamaalilluni amigartooruteqarfiusussaliornani, Kalaallit Nunaannili inuussutissarsiornermik takornariaqarnermillu ineriartortitseqataalluni. Taamaalilluni attaveqaqatigiinnermi pitsanngorsaaneq iluatsilluartunngortinneqarsinnaavoq, taanna oqarpoq.

AAMMA ATUARUK Naalakkersuisoqataasut danskit aningaasaliinerat taperseraat

Isumaqatigiissut Inatsisartuni akuerineqassappat Karsten Høy Greenland Venture-imi pisortaaneq aningaasanik atueqataassaaq. Taassuma naliliisartup nunatsinni ineriartortitsinissamut mittarfiinnaanngitsut pisariaqarnerannik naliliinera  isumaqatigaa.

- Takornarianut inissaqarnerulersitsinissamut suleqataasinnaavugut. Nunatsinnut aqquterujussuarmik inuppassuit isaaffigisinnaasaannik pilersitsiinnarneq iluaqutaanavianngitsoq nalunanngilaq, taanna oqarpoq.

Karsten Høy naapertorlugu taamaaliunngikkaanni takornariat inuussutissarsiuteqartullu angalasut pisariaqartitaasa, tassa siniffissanik, kiffartuussisunik, neriniartarfiit takornariaqartitsinermillu suliaqartunik, amigaataalernerannik kinguneqarsinnaavoq.

Timmisartuussisarneq pillugu naliliisartup aningaasat amerlassusaat oqaaseqarfiginianngilaa, aallartissutaalluarsinnaanerarpaali.

- Pissarsinnginnermiit ajunnginnerupput. Akunnittarfiit sumiiffiillu aassigiinngitsut inuussutissarsiortunut takornarianullu amerlanerusunut pilerinarsaataasinnaasut pisariaqartinneqarsinnaapput. Kalaallit Nunaanni aningaasaliinissanut pingaarutilinnut siullernut ilaasinnaapput. Tamanilli matussusiisinnaanersut uanga apeqquteqarfigissallunga eqqortuunngilanga, Jakob Pedersen oqarpoq.

AAMMA ATUARUK Vi er stemplet som tiggere

AAMMA ATUARUK Se Kielsen og Løkkes pressemøde her

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat