Inuussutissarsiornikkut isumasioqatigiinneq ammarpoq
Inuussutissarsiorneq Inuussutissarsiutinik siuarsaanermik akisussaaffik kisimi ingerlatsivinniinnanilu Namminersornerullutik Oqartussaniinngilaq. Piginnaanngorsaaneq sapiisernerlu aqqutigalugit nunatsinni nunap immikkoortuineersut maanna ineriartortitseqataalertariaqalerput.
Taama nalunaarusiaqarpoq Inuussutissarsiornermut, Nunalerinermut Suliffeqarnermullu Naalakkersuisoqarfik, ukioq manna januaarimi.
Kujataani Inuussutissarsiutinik siuarsaanissaq pillugu immikkoortoqarfimmeersut isumasioqatigiinnertik Narsarsuarmi ullumi aallartipput.
Kommuneqarfiit kujataaniittut, Namminersornerullutik Oqartussani atorfillit, aamma nunarput tamakkerlugu politikerit sinniisaat peqataallutik isummersoqatigiissapput.
Kujataani inuussutissarsiutinik ineriartortitsinissamik siunertaqartumik isummat qitiutillugit decemberip 19-iata tungaanut oqaluuserineqassapput.
Inuussutissarsiutinik ineriartortitsinermut atukkat pitsaanerusut, aamma inuussutissarsiutinik siuarsaanerup nutaamik aaqqissuunnera, nalunaarusiap pingaarnertut qulequtaraa.
Nunatsinni tamarmi nunap immikkoortuini, najugaqarfinnilu qanimut suleqatigiinnikkut, inuussutissarsiutinik ineriartortitsinermi pitsaasunik sinaakkuteqarnissaq, Namminersornerullutik Oqartussat kommunillu pisussaaffigigaat nalunaarusiaq erseqqissaavoq.
