Inuussutissarsiornermut pisortat: Suliniutit annikippallaaqaat
Avannaani-, Qeqqani- Kujataanilu kommunini inuussutissarsiornermut pisortat aqqanillit Kalaallit Nunatsinni Takornariaqarnermi Inuussutissarsiornermilu Siunnersuisoqatigiit aaqqissugaannik pikkorissareerlutik isumaqarput, inuussutissarsiornermut ineriartortitsinermut suliniutit annikippallaartut.
apriilip 05-at 2008 17:18
-Piniarnermut allagartanik qinnuteqaatit suliarinerinut piffissaq annertuvallaartoq atortarparput. Inuussutissarsiornermut tunngasut, inuussutissarsiornerullu piorsarneqarnissaa, kommunerujussuanngortussat pissutigalugit qatangiinnarneqartarpullusooq, inuussutissarsiornermut pisortat, illoqarfiit alliartortunik taaneqartartut avataanneersut, oqarput.
Inuussutissarsiornermut pisortat illoqarfimmi inuussutissarsiornernik maanna siuarsaanialerput, tassa inuussutissarsiornermut pisortat ataasiakkaat, kommunit killeqarfii eqqarsaatiginagit, siuarsaaneq tamaat namminneq akisussaaffigissavaat.
Kommunit kattussuunneqarnissaannut pilersaarutit ataqatigiissaarneqarnerannut atatillugu tamanna ilaatigut pissaaq.
