Inuussutissarsiornermut pisortat siunissamik takorluuipput
Kalaallit inuussutissarsiornermi pisortat Aalisarneq pillugu Aalborgimi saqqummersitsinersuarmi siunissami takorluukkatik nalunaaquttap akunnerini makkunanerpiaq saqqummiuppaat.
Inuussutissarsiornerup ineriartortinneqarnissaanut Kalaallit Nunaanni periarfissat pillugit oqallinneq Ataatsimeersuarnermut Piorsarsimassutsimullu Aalborgimi Illorsuarmi pikkorissartarfiit ilaanni ingerlanneqarpoq.
Ilulissat Kommuneanneersup Henrik Rafn-ip kattuffimmik, suliffeqarfiit minnerit arlallit soorlu atortorissaarutit tungaasigut suleqatigiiffigisinnaasaannik, pilersitsinissamut isumassarsiani saqqummiunniarpaa, kattuttoqarpat aqutsineq, eqqiaaneq kantiinanullu aningaasartuutit ataatsimoorunneqarsinnaapput.
-Tamanna Danmarkimi atorneqartartoq takusareerparput, soorlu aamma assingajaanik Kalaallit Nunaanni atorfissaqartitsisinnaasugut, Henrik Rafn Radioaviisimut oqarpoq.
Inuussutissarsiornerup Kalaallit Nunaanni siuarsarneqarnissaanut oqallilluni aallarnisaanermi peqataasut 70-it missaanniipput, tassaappullu borgmesterit, kommunaldirektørit, inuussutissarsiornermut pisortat, namminersortullu Kalaallit Nunaanni inuussutissarsiornerup siuarsarneqarnissaanik soqutiginnittut.
