Inuussutissarsiornermut Naalakkersuisoq sulilernissamut erinisuppoq

Atassut sinnerlugu inatsisartunut qinigaasoq Maniitsormiu Sivert K. Heilmann, Inuuusutissarsiornermut Naalakkersuisunngoqqammersoq oqarpoq Inuussutissarsiornermi pisortaqarfimmi sulileruni suliassaqarluarnini ilisimallugu; isumaqatigiissutilli imarisaa iserfigilluaqqaarumavaa:

- Anguniagassaqassaqaagut. Nammineq inuttut partiimilu tunuliaquttami soqutigisagut annertoorujussuupput, inuussutissarsiornermut tunngassuteqartut namminersortunngorsaanissarlu. Naalakkersuisunngoqqammivunga, sulilu isersimaffigilluanngilakka, suut siunniussaasimanersut. Kisianni qilanaarpunga ataasinngornermi nuuliarnissannut, Naalakkersuisuuffissara atorfilittallu ornillugit. Suut siunnaasimanersut Naalakkersuisooqatigiittullu suut isumaqatigiissutaanersut itisilernerullugit paaseriarlugit, sulissutiginissai qilanaarisorujussuuakka, Sivert K.Heilmann oqarpoq.

Sivert K. Heilmann politikkikkut sulinermi misitittagaqarluarpoq. 1989-imiilli Maniitsup kommunalbsestyrelsiani ilaasortaasarpoq,

1993-miit 1997-imut kiisalu 2001-miit 2005-ip tungaanut borgmesteriuvoq. 1995-imiit 2001-ip tungaanut inatsisartunut ilaasortaavoq novemberimi inatsisartunut qinersinermi Sivert K. Heilmann inatsisartunut qinigaaqqippoq.