Assi: Jonas Fievé

Inuussutissarsiornermut aningaasaliissutit nunatsinnut Danmarkimullu iluaqutaasussat

Danmarkip Nunattalu inuussutissarsiornikkut qaninnerusumik suleqatigiilernerat illuatungeriinnut tamanut iluaqutaassaaq. Danskit inuussutissarsiornermut ministeriat nunatsinni inuussutissarsiornikkut ineriartortitsinissamut isumaqatigiissut, 220 millionit koruuninik naleqartoq atsioreerlugu taama oqariartuuteqarpoq.

Danmarkip nunattalu isumaqatigiissutaat Naalagaaffeqatigiinni nunani marlunni inuussutissarsiornikkut suleqatigiinnermut pitsanngorsaaqataassaaq. Tamanna ilutigalugu danskit inuussutissarsiornermut ministeriata, Rasmus Jarlovip, isumaqatigiissut illuatungeriinnut iluaqutissartaqarnerarpaa.

- Kalaallit suliffeqarfiutaat Danmarkimut tunisaqarnerutilersissinnaagutsigit, kalaallit nioqqutissiaannik pitsaasunik iluaqutigisinnaasatsinnillu pissarsissaagut, illuatungaanilu tamanna kalaallit suliffeqarfiutaannut aamma iluaqutaassalluni, Rasmus Jarlov oqarpoq.

Isuamqatigiissuteqartoqarneratigullu danskit naalagaaffiat Greenland Venturemut Vækstfondenimullu 198 millionit koruuninik aningaasaliivoq Namminersorlutik Oqartussallu 22 millionit koruuninik aningaasaliillutik.

AAMMA ATUARUK Underskrift til en værdi af 220 millioner

Danskit inuussutissarsiornermut ministeriat naapertorlugu Danmark nunatsinni inuussutissarsiornikkut pitsanngorsaanissamut soqutiginnippoq, inuussutissarsiornikkullu siuarsaanissamut ullumikkut isumaqatigiissutigineqartoq 220 millionit koruuninik aningaasartaqartoq kisiartaassanngilaq.

Rasmus Jarlovimmi erseqqissaatigaa Danmarkimi niuerfimmut ammaanissamut ikiuisoqassasoq, tamatmunngalu peqatigitillugu nunatsinni suliffeqarfiit nunani tamalaani niuerfinnut tunisaqarnissaannut aamma ikiuisoqassasoq.

- Neriuppunga Kalaallit Nunaata Naalagaaffeqatigiit iluanni periarfissat tamaasa atorluassagai. Maanna iliuuserisatsigut, aammali nunani assigiinngitsuni aallartitaqarfiitta inuussutissarsiutitigut nittarsaassinissamut atorluarnerisigut, danskit inuussutissaqarnermut ministeriat oqarpoq.

Danmarkip nunattalu peqatigiillutik nunatsinni inuussutissarsiornikkut pitsanngorsaanissaannik isumaqatigiissutaat Danmarkip mittarfinnut pilersaarutinut aningaasaleeqataanerata ilagaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat