Inuussutissarsiornermi atukkat pitsaanerusut pilersinniarneqalersaarput

Inuussutissarsiutinik ineriartortitsinermut atukkat pitsaanerusut pilersinneqassappata nunatsinni nuna tamakkerlugu, nunap immikkoortui najukkallu akornanni ataqatigiittoqassasoq, Namminersornerullutik Oqartussat Inuussutissarsiornermut Pisortaqarfiata nalunaarusiaani ilaatigut taama oqariartuuteqartoqarpoq.

Sooq taamanna taama pingaaruteqartiginersoq paasiniarlugu Hans Peter Poulsenimut nunatsinni Takornariartitsinermi Inuussutissarsiornermilu Siunnersuisoqatigiit pisortaanut paasiniarparput.

- Inuussutissarsiornermi ineriartortitsinermut nutaamik aaqqissuusseqqinnerup kingunerisaanik malunnarsigaluttuinnarpoq nuna tamakkerlugu aaqqissuussaaneq immikkuullarissumik inissisimasoq, tassa; Aalisarneq, takornariaqarneq taavalu aatsitassalerineq. Taakkua immikkut pisortaqarfeqarlutik ingerlasut ilaatigullu sumiiffinni ataasiakkaani, tassa kommunini ataatsimoorfilerlugit allaffeqarfeqartartoq. Taanna inuussutissarsiornermi aaqqissuusseqqinneq iluatsissappat, takorloorparput taanna assigiinngissut ilaatigut ataqatigiissunngortinniassagutsigu pinngitsoornagu nunap immikkoortortaanik pilersitsisariaqartugut attaviliisussamik. Taamaalilluni ataqatigiinneq tamakkiisumik nuna tamakkerlugu regionikkaarlugu taavalu kommunikkaarlugu ataqatigiinneq tamakkiisumik pilersinneqarniassammat, Hans Peter Poulsen oqarpoq.

Taanna aperineqarpoq, massakkut siammartererusuttoqalersimagunartoq nunap immikkoortortaanik immikkoortortaqarfeqalerluni.

- Aap, oqartussaaffeqalersillugit imaluunniit imatut paasillugu ineriartortitsineq qitiusuminngaanniit ingerlatsinissaa allanngortikkiartuaarneqarpoq ineriartortitsineq sumiiffinni ataasiakkaani ingerlanneqassasoq. Kisianni tassa uagut suleqataanitsinni tassunga imatut inissisimavugut ikiuutissaagut taavalu periarfissat ineriartortitsinissamut pitsaanerpaat pilersinniassallugit, Hans Peter Poulsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat