Inuussutissalerinermut Oqartussaqarfik: Paarnat qerisut qalaateqqaarsigit
Tunillaassuunneq paarnanit qerisuneersuunissaat ilimanaateqartorujussuuvoq, taakkulu Danmarkimi Nunatsinnilu tuniniagaapput.
Danskit inuussutissalerinermut aqutsisoqarfiat peqqutaasinnaasumik suli ujartuivoq, taamaattumillu paarnat qerisut atunnginnerini qalaateqqaarneqartarnissaannik maanna innersuussilluni. Uanilu pineqarnerupput paarnat kissaqqaarnagit atugassat, soorlu smoothiesiliorneq kinguleqqiutissat.
Danskit Inuussutissalerinermut oqartussaqarfiata paarnat mingutsinneqarsimasut suminngaanneerneri suli paasisimanngilaaq. Amerlanerusullu napparsimalinnginnissaat anguniarlugu paarnat qerisutpinaveersima.
UNIO paasissutissanik annerusunik tigusaqareeriarpat, avammut nalunaaruteqaqqikkumaarpoq.
Apeqqutigineqartartut nalinginnaanerpaat:
Qanoq sivisutigisumik paarnat qalaanneqartassappat?
Smoothiesitut kinguleqqatulluunniit piareersaalinnginnermi, minutsi ataaseq qalaanneqaqqaassapput.
Minutsi ataaseq qalaartinneqassaaq.
Innersuussineq neriniartarfinnut, kaffisorniartarfinnut assigisaannullu aamma atuuppa?
Aap, innersuussineq neriniartarfinnut, kaffisorniartarfinnut assigisaannullu atuuppoq, illussani paarnanik akoqartuusuni qalaanneqarneq ajortuni.
Qanoq sivisutigisumik innersuussissut atuutsinneqassava?
Tunillaassuisoq paasineqarnissaata tungaanut innersuussineq atuukkallassaaq, imaluunniit nappaalasut tusarsaajunnaarnissaata tungaanut. Tamanna pippat UNIO-mit nalunaarutigineqarumaarpoq.
Kalaallit Nunaanni paarnat pinngortitami katersat aamma qalaanneqaqqaartassappat?
Nammineq katersisimatilluni qeritissimatillugillu mianernartua annikittunnguussaaq. Eqqaamaneqaqqunarporli paarnanik katersinermi inuppassuit nalaanniittut pinaveersaarneqartarnissaat, imaluunniit katersat mingutsitsinerit qanittuaniittassanngimmata.
