Inuusat atorlugit sungiusartitsisarneq atorunnaarsinneqassanngilaq
Inatsisartunut ilaasortap Inuit Ataqatigiinneersup Aaja Chemnitz Larsenip tamanna ernumassutigigaluarpaa.
Peqqissutsimulli naalakkersuisup Martha Lund Olsenip § 37 naapertorlugu apeqquteqaammut akissuteqarluni ilisimatitsissutigaa ernumassuteqarnissamut pissutissaqanngitsoq.
AAMMA ATUARUK Inuit Ataqatigiinneersoq: Inuusat atorlugit sungiusartitsisarneq unitsinneqalerpa?
Inuusat atorlugit sungiusartitsinermik suliniut 2011-miilli aallartinneqarpoq. 7. klassimi atuartut tamarmik inuusanik ulluni marlussunni paarsitinneqartarput. Inuusallu naalungiartuttut pissuseqarput - unnuakkut itertarput nerisinneqarlutillu nangii taarsigassaasarlutik.
Inuusat atorlugit sungiusartitsisarnermik suliniutip pilersinneqarnera 1 millionit koruunit missaannik akeqarsimavoq.
