Inuit 22-it saarngi ukiut 80-it matuma siornali aallarunneqarsimasut Chicagomi katersugaasiviup inaanut utertinniarlugit nalunaarutigaa. Canadamiut webaviisiat The Telegram taama allappoq.
Saarngit upperisarsiortut ajoqersuiffiannit Paggivittap avannamut sineriaaniittumit ilivernit assallugit ilisimasassarsiortunit Rawson-MacMillan-imeersunit 1927-28-mi qaqinneqarlutik aallarunneqarsimapput.
Saarngit katersugaasiviyo Field Museum of Natural History-miittut qanoq iliornikkut tassunga pissunneqarsimanersut iluamik ilisimaneqanngilaq. Inuiaqatigiilli pissusaannik misissuisup William Duncan-ip taamani akerliusoqaraluartoq saarngit assallugit qaqissimagai allagaatit misissornerisigut paasinarsivoq.
-Pisimasumit attorteqaagut, John McCarter katersugaasivimmi aqutsisuusoq oqarpoq, taamaaliornerlu qanga maannalu ileqqorissaarnermut unioqqutitsinerunerarlugu.
Katersugaasiviup Torngasok Cultural Centre peqatigalugu saarngit ataqqillugit ileqqinneqarnissaat maanna sulissutigivaat.
Nunavimmi naalakkersuisut Inuit 22-it taakkua kinguaavi ujarpaat.