Inuup saarngi Danmarkimi nassaarineqartut
Inuup ataatsip saarngi nutaanngeqisut Danmarkimi Sjællandip avannaani Ølstedimi sissamut tipisimasut nassaarineqarsimasut, aviisip B.T-p allaaseraa.
Allattoq Louise M. Kleemann
marsip 19-at 2008 07:16
Nakorsallu toqusunik misissuisartut naliliinerat naapertorlugu ilimagineqarpoq inuup saarngi taakku vikingip nalaaniit aallaaveqarsimassasut.
- Angutip saanerigunarpai nungullarsimaqimmalli iluamik paasiuminaappoq, taama Ølstedimi vicepolitiinspektøri B.T.-mut oqarsimavoq.
Kigutaasigulli takuneqarsinnaanerarpaa saarngit pisoqarujussuusut.
- Kigutai ilaartorneqanngiivipput kigutit nakorsaaniissimaneranillu takussutissaqarani, Ølstedimi vicepolitiinspektør taama oqarpoq.
Inuup saarngi sissami pisuttuartut ilaannit siumorneqarput, siullermik nuisa saarngi takulersimavai kingornalu aamma niaquata saarnga takulersimallugu.
Nakorsat toqusunik misissuisartut aatsaat misissoreermassuk paasineqarpoq nersutip saanerinagit inuup saanerigai.
