Inuunertik annaanniarlugu igalaakkut qimaasut
Sisimiuni ineqarfik inunnik arfinilinnik isersimasulik tallimanngormat ullaassakkut arfinernut qiteqquttoq ikuallattoq kalerriutigineqarpoq. Inuit isersimasut igalaaq ammariarlugu tungit atorlugit nunamut singittariaqarsimapput, meerartaallu ussagarsimasunit ataanit akorneqarlutik.
Allattoq Louise M. Kleemann
oktobarip 13-at 2008 12:39
- Inissiami ikuallanneq paarliup nalaani naneruutip ikuatsitsilersimaneranik pissuteqarunartoq, Sisimiuni politeeqarfimmi pisortaq Hans Falck Petersen ilisimatitsivoq.
Paarlermit silamut anisinnaasimannginneq pissutigalugu inuit arfinillit, taakkunannga meeqqat pingasut, ataatsimik, pingasunik arfinilinnillu ukiullit, sanilit ikiortigalugit inissiap illuatungaatigut igalaakkut anisariaqarsimapput. Inersimasoq kingulleq tummeqqatigut politiit ikiorsiullugit anisimavoq. Tamarmillu ajunngitsut politiit oqaatigaat.
Ineqartut putsumik najuussuisimanertik pillugu nakorsiartariaqarsimapput. Inissiaq ikuallannermi kingorna atorsinnaajunnaarallarpoq.
