Inuunermi sinnerani parnaarussassanngortinneqarpoq
Niviarsiaqqamik 14-inik ukiulimmik pinngitsaaliisimasutut taassumallu ilaqutaanik toqutsisimasutut sakkutooq USA-meersoq inuunermi sinnerani parnaarussaasussatut eqqartuunneqarpoq.
Sakkutuut sisamat allat peqatigalugit Baghdadip kujatinnguani Mahmudiyami ilaqutariit illuannut isertertoqarsimasoq, sakkutuup James Barkerip nassuerutigaa.
Niviarsiaraq 14-inik ukiulik pinngitsaalineqarpoq, toqunneqariarlunilu timaa ikuallanneqarluni.
Angajoqqaat toqunneqarput, niviarsiaqqallu qatanngutaa arfinilinnik ukiulik aamma toqunneqarluni.
- Barker inuunermi sinnerani parnaarussaasussatut eqqartuunneqarpoq, misiligummillu iperagaasinnaanissaa periarfissaalluni, sakkutuut nalaagasa ilaat Mary Constantino oqarpoq.
Barkerilli amerlanerpaamik ukiuni 90-ini parnaarussaaqqasinnaassasoq eqqartuussisup aalajangerpaa.