Inuuneritta suliniutinut 20-nut aningaasaliivoq

Pinaveersaartitsinikkut peqqissuunerulernissamullu suliniutinut aningaasaateqarfik Inuuneritta suliniutinut 20-nut aningaasaliivoq katillugit 387.595,00 kr-inik.

Aningaasaliiffigineqartuni amerlanerpaanik tunineqarput, puigortunngortut qanigisaasa suleqatigiiffiat taanna 250.000,00 kr-inik aningaasaliiffigineqarmat.

Puigortunngortut taakkualu ilaqutaanut paasisitsiniummik DVD-imik sananissamut aningaasat atorneqassapput.

Taakkua saniatigut illoqarfinni nunaqarfinnilu assigiinngutsuni peqqinnartunik inooriaaseqalernissamut aammalu timersornermik pinaveersaartitsinikkullu suliniutinut aningaasaliisoqarpoq.

Aasianni sukkortunut taakkualu ilaqutaannut peqqinnartumik inooriaaseqalernissaq pillugu pikkorissartitsinissamut atugassanik aningaasaliisoqarpoq.

Inuuneritta Kalaallit Nunaanni inuit peqqissusaannik taamalu inuunerup naleqassusianik pitsaanerulersitsinissamik siunertaqarpoq.

Peqqissutsimut naalakkersuisoq Agathe Fontain Inuunerittap aningaasaliissutaanik agguaassivoq.