Inuunerit erligiuk
- Neriuutigalugu arlaatigut iluaqutaasinnaassasoq, taavalu imminut toqunnissamik eqqarsaateqartumiit tusaaneqarpat, taanna isummani allanngortissinnaassagaa, Gustav Lynge Petrussen oqarpoq.
Taanna 17-nik ukioqarpoq Nuummilu ilinniarnertuungorniarfimmi ukioq siulleq ilinniartuulluni. Nipilersortartoq tusaamasaq Îsâvaraq Petrussen nipilersoqatigiinni Aalut-mi siuttuusoq ataataraa.
Nipilersornertartumillu kingoqqisuugami ernarsuusiornissaq ajornartinngilaa, piffissarlumi sivikitsuinnaq atorlugu erinarsuusiorsimalluni.
- Pattarujoortillunga isumassarsiarigakku takkukkiartuaarusaarpoq, piffissap sivisorujussuanngitsup iluani naammassivara.
Aamma atuaruk Nunarsuaq tamakkerlugu imminut toquttarnerup akiorneranut ulloq
Gustav Lynge Petrussenip imminut toquttoqartarnerup inuiaqatigiinni ajornartorsiutaasoq ilisimalluarpaa. Neriuutigaalu imminut toquttoqartarnermik erinarsuusiamigut pitsaaliueqataasinnaalluni.
- Neriuutigiinnarpara arlaatigut inuiaqatigiinnut iluaqutaasinnaassasoq, imminortartullu ikilissasut, Gustav Lynge Petrussen taama oqarpoq.
Erinaq ateqarpoq Inuunerit erligiuk taannalu iTunesimi aaneqarsinnaavoq.