'Inuuik Saliiffik' qallunaanit soqutigineqarpoq

Eqqumiitsuliiortup Danmarkimi eqqumiitsuliortut ilinniarfianni Kunstakadememi ilinniartutut naammasseqqammersup Inuk Silis Høeghip marrarnik inuusaliai atuakkami assiliartaliunneqarput. Atukkiap Inuuik Saliiffiup allaaserineqarnera qallunaat aviisianni 24 timer-imi pingasungormat saqqummersumi ilanngunneqarpoq, atukkiortuata Stina Sørensenip apersorneqarnera allaaserineqarluni.

Atuakkami inuttaritinneqarpoq Iluuna. Iluuna nalliulluni kaffisoriartoqqusinani qaaqqusani najugaqarfigisami inissiarsuit akornanni saleeqatiginissaannik aggersarpai.

Ilunap nalliulluni saliinnissamik qaaqqusinera pillugu atukkiortoq Stina Sørensen, qallunaat aviisiannit 24 timer-imit aperineqarami oqarpoq, nammineq inissiarsuarni najugaqarami, inissiarsuit akornanni igitassarpassuit qatsulluinnarlugit aviisinut atuartartutut allagaqassamaarsimagaluarluni. Atuartartutulli allagaannut allannani meeqqanut atukkiorniarluni aalajangiinnarsimalluni.

Atuakkiami inuttaritinneqartoq Iluuna kalaallit ilaqutariit ingerlalluartut panigaat, tassuunatigut ersersinniarneqarluni, aamma Kalaallit Nunaanni ilaqutareeqarmat ingerlalluartunik.

- Kalaallit meerartai kaattut tusagassiorfinni oqaluuserineqartuartarpoq, atuakkiamilu Iluunami ersersinniarneqarpoq, kalaallit meerartaat tamarmik ajornartorsiuteqanngimmata, meeqqat ornittagaanik pisariaqartitsinngitsut, tamarmik angajoqqaavi imerajuttuunngitsuunngitsut, meeqqanut atuakkiamik Inuuik Saliiffimmik atukkiartoq Stina Sørensen qallunaat aviisianni 24 timer-imi taamatut allaaserineqarpoq.

Stina Sørenseni atuakkiani Inuuik Saliiffik kinguneqarluarsimasoq unnersiorpoq.

- Ippassigami inuuissiortumut aggersarneqarpunga, kaffisoriaqqusaallunga. Kaffisortinnata inuuissiortup najugaqarfiata silataani saleeqqaarpugut, kingornalu aatsaat kaffisuulluta, Stina Sørensen aviisimi 24 timer-mi apersorneqarluni tamaatut oqarpoq.