Politikki

Inuttut Pisinnaatitaaffiit pillugit Kalaallit Nunaata Siunnersuisoqatigiivi nutaat ullumi inissitsiterlutik ataatsimiissapput

Naalagaaffiit Peqatigiit inuttut pisinnaatitaaffinnik eqquutsitsiniarnerinut atatillugu, Kalaallit Nunaata peqataalerneranik kinguneqartussatut Siunnersuisoqatigiit Inatsisartunit ukiarmi akuersissutigineqarput, Nunatsinnilu kattuffiit sinniisaat suliffeqarfiillu inissitsiterluni ataatsimiinnissamut ullumi peqataatitaqassapput.
Allattoq Elisa Isaksen
marsip 04-at 2013 06:11

Inatsimmi pineqartoq tassaavoq kikkunnulluunniit attuumassuteqanngitsumik siunnersuisoqatigiinnik pilersitsinissaq, taamaalilluni Nunatsinni inuttut pisinnaatitaaffiit illersorneqarnerat qulakkeerneqarniassammat, aamma inuit ataasiakkaat pisinnaatitaaffii paasisitsiniutigineqarniassammata.

Kattuffiit 15-it siunnersuisoqatigiinni ilaasortaatitaqarsinnaapput.

Ilaatigut pineqarlutik meeqqat inuusuttullu suliniaqatigiiffii arlallit, Sulisitsisut Peqatigiiffiat, SIK, naligiissitaanermut siunnersuisoqatigiit, ICC, KNAPK aama Ilisimatusarfik.

Taakkua saniatigut siunnersuisoqatigiinnut ilaasortaatitaqartut tassaallutik Ilaqutariinnermut, Kulturimut, Ilageeqarnermut Nalagiissitaanermullu Naalakkersuisoqarfik, aamma Danmarkimi Inuttut pisinnaatitaaffinnik Misissuisarfik.

Inuit Pisinnaatitaaffiinut Siunnersuisoqatigiinni siulittaasunngortussaq inissitsiterluni ullumi ataatsiminnermi paasinarsiumaarpoq. 

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq