Assi: KNR

Larsen: Inuttut ajornartorsiuteqartut ikiorneqartariaqarput

Inersimasut inuttut ajornartorsiuteqartut iliuuseqarfigineqartariaqarput, angerlarsimaffeqanngitsut ikilisinniarlugit. Taama isumaqarpoq Aaja Chemnitz Larsen, Kalaallit Nunaanni angerlarsimaffeqanngitsut 878-usut paasineqarnerisa kingorna.

- Amerlasoorujussuupput, Aaja Chemnitz Larsen Kalaallit Nunaanni angerlarsimaffeqarfeqanngitsut amerlassusii pillugit Naalakkersuisunit paasissutissat kingulliit tusareerlugit taama oqarpoq. 

Aaja Chemnitz Larsenip paragraf 37 naapertorlugu apeqquteqaataannut,  Isumaginninnermut Naalakkersuisup Sara Olsvigip  akissueqarnermini nunatsinni kommunit sisamaasut angerlarsimaffeqanngitsunut  kisitsisisaataat saqqummiuppai. 

- Kalaallit Nunaani angerlarsimaffeqanngitsutut nalunaarsorneqartut 878-upput tamannalu isumakulunnartoq Aaja Carl - Aaja hemnitz Larsen oqarpoq, 

- Kalaallit Nunaani angerlarsimaffeqanngitsuuneq imaannaanngitsunik atugassaqarfiuvoq. 

AAMMA ATUARUK Innuttaasut 878-it angerlarsimaffeqanngitsuupput

Aaja Chemnitz Larsenip  oqarnera naapertorlugu, Kalaallit  Nunaanni inersimasunut ajornartorsiuteqartunut aalajangersimasunik suliniuteqartoqarnissaq pisariaqarpoq,  

Kalaallit Danmarkimi angerlarsimaffeqanngitsut amerliartupiloortut 

Aaja Danmarkimi Folketingemi aamma ilaasortaavoq,   kalaallit Danmarkimiittut angerlarsimaffeqanngitsut ukiut sisamat kingulliit ingerlanerannni  30 procentinik amerleriarsimapput.

Kalaallit Danmarkimi angerlarsimaffeqanngitsut amerliartornerat  Aaja Chemnitz Larsenip  isumakulunnartoqartippaa,  tamatumunngalu pissutaanasoraa, Kalaallit Nunaanni inersisimasunut  ajornartorsiuteqartunut ikiuinissamut naammattunik neqerooruteqannginnera pissutigalugu Kalaallit Nunaat qimattariaqarsimagaat.

- Amerliartupiloornerat ilutigalugu, Danmarkimi angerlarsimaffeqanngitsut unnuiffigisartagaannut pulaarangama 
tusartarpara, tassalu sumi najugaqassanerlutik  aamma sulerissanerlutik nalullugu Danmarkiliartartut amerliartortut, Aaja Chemnitz Larsen oqarpoq.

Taamaattumillu taanna isumaqarpoq,  Kalaallit Nunaani ikiuutinik pisariaqartinneqartunik amigaateqarneq pissutigalugu Kalaallit Nunaannit aallartariaqannginnissaannik Kalaallit Nunaat akisussaaffeqartoq. 

Taamaattumik Aaja Chemnitz Larsen isumaqarpoq,  Kalaallit Nunaanni inuiaqatigiinni ajornartorsiuteqartut  isumagisariaqarigut.

Angerlarsimaffeqanngitsut naatsorsorneqarnerat mianersuuttariaqarput, tassami
kommuninit kikkut angerlarsimaffeqanngitsutut taaneqarsinnaanersut assigiinngitsumik nalilersorneqartarmata, Isumaginninnermut Naalakkersuisoq Sara Olsvig akissuteqaammini taama allappoq.

 Angerlarsimaffeqanngitsut amerlassusiannik pisortatigoortumik kisitsisoqartariaqartoq Aaja Chemnitz Larsen isumaqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat