Inuttaqarani timmisartoq timmisoq
Timmisartuaraq 12-nik ilaasoqarsinnaasoq, sapaatiummat ullaassakkut inuttaqarani 100 meterinik timmisimasoq, Narsarsuarmi mittarfimmi pisortaq Storch Lund aviisimut politiken-imut oqaluttuarpoq.
Tiimimut 150 miiterinik sukkassuseqartumik kujataani anorersuarsimavoq, timmisartuararlu pituttorluarsimagaluartoq, mittarfimmi pisortaq oqaluttuarpoq.
Timmisartuaqqamik aqutsisut danskisut oqaasillit septembarip qaammataanili Narsarsuarmut tikissimapput, taassumali kingorna timmisartuaraq Antonov 2-mik taaguutilik Litauen-imi aallassimasuutigineqartoq paasiuminaatsumik Narsarsuup mittarfianut qimaannarneqarsimavoq.
Inuttai qaammatini kingullerni sisamani sumiissusersiniarneqarsimagaluarput iluatsinngitsumilli.
Timmsartuaqqap inuttaqarani timmisimasup inuttaasa aassagaluarpassuk, tingissutigisinnaanavianngikkaat, mittarfiup pisortaa Storch Lund oqarpoq, tassamigooq inuttaqarani qangattarsimanini pissutigalugu aserungaatsialaarsimammat.
