INUTEK internetsikkut unammisitsinialerpoq
Ilinniarnertuunngorniat januaarip ulluisa arfineq pingajuanni qulingiluaannilu internetsikkut inmminnut unammissapput.
Ilinniartut holdini marlukkaarlutik pingasukkaarlutilluunniit unammissapput, taakkua uuliasiorfik nunamut uuliaqarfimmut nutaamut nassiunneqartoq aqunniarsarissavaat.
Holdit taakku uuliamik gassimillu sapinngisamik naleqarnerpaamik nassaarniassapput. Piviusuusaartitsissapput, tassa geologitut misissueqqissaarlutik, uuliasiornermut aningaasaliinissamut neqerooruteqartarlutik, holdinik allanik suleqateqalersarlutik taavalu qillerisarlutik.
Holdit pitsaanerpaat 5.000 koruuninik akissarsisinneqassapput, taavalu OilSim-imut ajugaaniutivinnermi peqataanissaminnut periarfissaqalissallutik, ajugaaniutivinneq Londonimi januaarip naalernerani pisussaavoq.
