Inussivik matugallarpoq
januaarip 25-at 2005 10:31
Nuummi illorsuaq timersortarfik Inussivik ulluni 14-ni matoqqasussanngorpoq.
Nuummi Illorsuup Inussiviup 2001-imi nutaajulluni atulernerata kingorna paasineqarpoq qilaavata ussiitsuunneragut sila masannartulioraangat illup iluanut kusertartoq. Erngup sukkut isaaffeqarluni illup iluanut kusertarnerata sanasunit siunnersuisartunillu paasineqarnissaata tungaanut sapaatip akunnerini marlunni matugallarneqassasoq Nuup Kommuneata aalajangiukkaa, Nuummi borgmesteri Agnethe Davidsen nalunaarpoq.
