Inussivik ammaqqippoq

Nuummi illorsuaq timersortarfik Inussivik sapaatip akunnerini marlunni teknikerinit misissuiffigilluarneqareerluni ippassaq ammaqqippoq.

Inussivik 2002-mi atoqqaartinneqaramili illorsuup qalianit imeermik isaasoqartarnera ajornartorsiutigineqartarsimasoq, maanna misissuinit paasineqarsimalersoq, Nuup kommunea teknikkimut immikkoortortaqarfik ilisimatitsivoq.

Teknikerit misissuisut paasisimavaat qilaavata ussiippallaarnerata kinguneranik qullersuit iluamik suliarineqarsimanngitsut. Qullersuaqarfik 2004-mi ukiakkut allanngortiterlugu suliarineqaraluarpoq.

Ajornartorsiut qaangerniarlugu qaliani qullersuaqarfiusut qallersuutaat allanngortiteqqinneqassapput. Suliarineqarnissaali aatsaat apuutaarussimaleriarpat sermernarunnaarluni aasaru kiatseriarpat pisinnaasoq Nuup kommuneani teknikkimut pisortaaneq Ole Neumann allappoq.

Iluarsaassinerit naammassineqarnissaata tungaanut utaqqiisaasumik assiaqusersuisoqarpoq, aamma Nuup kommuneata Inussiviup ammaqqinneqarnissaa aalajangiussimagaa Ole Neumanna ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat