Inussat ipaat passimi atorneqalissapput
Angalanermi kinaassutsimut uppernarsaammik, tassa passimik politeeqarfimmut tulliani qinnuteqaruit, taava inussavit ipaat ilanngullugit passimut paasissutissatut nuunneqassaaq.Tamaaliortarnerlu ukiumi nutaami atuutilissalluni.
Allattoq Apollo Jeremiassen
decembarip 14-at 2011 12:59
Inussat ipaannik passimut nuussisalerneq qullersanit qulakkeerniarneqarpoq, ilumut passi inuvimminit atorneqarnersoq.
Inussat ipaat chipimut elektroniske-usumut passimiittumut ikkunneqassaaq, taannalu timmisartoqarfinni nakkutilliisunit taamaallaat atorneqartassalluni. Taamaattumillu inussat ipaat politeeqarfinni atorneqartarnissaat ersissutigisariaqanngilat.
Timmisartoqarfinni, soorlu USA-mi nunanilu allarpassuarni, inussat ipaat kinaassutsimik uppernarsaatitut atorneqalereerput.
Angalanermi kinaassutsimut uppernarsaat maanna pigeriikkat taarsertariaqanngilat, aatsaallu taassuma atuuffia qaangiuppat allamillu passitaarnialeruit, inussat ipaat tassunga ilanngunneqartussaavoq.
