Politikki Ilinniarneq

Inunnik Isumaginninnermik suliaqartut ilinniakkammik pikkorissaqqipput

Inunnik Isumaginninnermik ilinniagaqareersut Ilulissani pikkorissarteqqinneranni, Isumaginninnermut Naalakkersuisoq, Martha Lund Olsen ippassaq ataasinngornermi pulaarpoq.

Allattoq Inge S. Rasmussen

oktobarip 06-at 2015 09:41

Nutserisoq Apollo Jeremiassen

Pikkorissartinneqartut 20-it ilinniartinneqareernerminni suliffimminnut uterunik akisussaaffimmut annertuumut nukissaqarluarlutik sulileqqissapput.

Tamannalu Isumaginninnermut Naalakkersuisup, Martha Lund Olsenip nassuerutigaa.

- Isumaginninnermik suliaqartut tamarmik sullissinerminni annertuumik atugassaqartinneqarput ilaatigut suliassat imaannaanngitsut suliarisarlugit, Martha Lund Olsen tusagassiuutinut nalunaarummini allappoq.

Taassuma erseqqissaatigaa, suliassat imaannaanngitsut suliarineqartartillugit suliamik pikkorissartinneqartarnerit qaffassaanerillu pinngitsoorneqarsinnaanngitsut.

Aamma atuaruk Sullissisoq: Inunnik isumaginninnermik suliaqartut sullissinerat aaqqinneqartariaqarpoq

Ilulissani pikkorissarnermi modulit arlallit ingerlanneqarput soorlu inunnik isumaginninnermi sulineq, tarnikkut pissutsit aamma inatsisit. Tassalu taakku aqqutigalugit sullissisoq ilinniakkatigut eqqarsartaatsikkullu nukittorsarneqarluni.

Inunnik isumaginninermi ilinniagaqartut ilinniarteqqinneqarneri siorna 2014-mi ukiakkut aallartinneqarpoq aatsaallu 2017-mi naammassineqassalluni.