Inunnik isumaginninnermik suliallit ulapippallaaqaat

Inunnik isumaginninnermik suliat naammaginartumik suliarineqarsinnaassappata amerlanerusunik atorfinitsitsinikkut suliassat amerlanerusunut agguataarneqarsinnaasariaqarput. Taamaanngippat isumagisariakkat naammaginartumik sullinneqartanngitsut amerliartuinnassapput.

- Ullumikkut Nunatsinni inunnik isumaginninnermik suliallit suliassaqarpallaarlutik tutsuiginanngitsunik aalajangiisinnaasarput. Sullinneqartussat naammaginartumik sullinneqarsinnaasariaqarput. Sullinneqartut amerlavallaat sullinneqarnerminni akissutissat sivisuallaamik utaqqisariaqartarpaat. Sullissisussat aamma amerlavallaanik suliassaqartillutik inerniliineri naammaannartarput. Allatut ajornaqaaq inunnik isumaginnittut ikinnerusunik suliassaqartariaqarput, Søren Lybeth, IA sinnerlugu Inatsisartunut qinigassanngortittoq naqissusiivoq.

Ajornartorsiummut aaqqiissutissarsiornermi Naalakkersuisut sulisartullu kattuffiisa isumaginninnermik suliallit annikinnerusunik suliakkerneqartalersinnaanerat killilersinnaavaat. Isumagiininnemik suliallit suliaminnik nuannarinnileqqillutillu sullitaat pitsaanerusumik sullinneqarsinnaalissangaluarput.

- Inunnik isumaginninnermik suliallit suliffimminni pissutsit pitsanngorsarniarlugit kattuffimminnut piumasaqaateqarsinnaapput. Meeqqat angerlarsimaffimmik avataannut inissinneqarsimasut pillugit suliat suliallu allat pitsaanerusumik suliarineqartalissappata, isumaginninnermik sullissisut ikinnerusunik isumagisaqartariaqarput. Inunnik isumaginninnermik suliallit amerlavallaat allanik suliffissarsiortarnerannut suliassaqarpallaarnerat pissutaasarpoq, Søren P. Lyberth naqissusiivoq.