Inunnik isumaginninnermi Narsami nakkutilliineq sukannernerulersikkumaneqarpoq

Narsap Kommuniani Kommunalbestyrelsip Nunaqarfinnilu Aqutsisut Inunnik Isumaginninnermi nakkutilliineq sukannernerulersikkumavaat. Ilanngullugu kommunimi immikkoortut tamarmik aappaagu sipaaruteqartussanngorput.

Narsap Kommuniani immikkoortoqarfiit tamarmik aappaagu 2006 –mi 2% tikillugu sipaarutissaminnik ujarlertussangorput. Taama kissaateqarneq kommunalbestyrelsimi ilaasortat tamarmiusut, tallimanngormat 28. oktober ataatsimiikkamik paaseqatigiiffiusumik kissaatigaat.

Kommunalbestyrelsi ataatsimiinnginnerani Igalikumi, Narsarsuarmi Qassiarsummilu Nunaqarfinni Aqutsisut kommunalbestyrelsimit qaaqqusaallutik, kommunalbestyrelsimi ilaasortat peqatigalugit, aappaagu missingersuusiornissaq pillugu Narsami isumasioqatigineqarput.

Qaammat ataaseq qaangiuppoq, Inunnik Isumaginninnermi aningaasartuutit kommunip aningaasaqarneranik uppisitsimmata. Taamaattumik isumasioqatigiinnermi qulequttatut pingaartut toqqarneqarsimavoq, inunnik sullissaqarneq ataatsimut isigalugu.

Sukumiisumik isumasioqatigiit tamanna eqqartoreerlugu, peqataasut tamarmik isumaqataaffigisaannik, kommunimi inunnik ikiueriaaseq allanngortinneqartussanngorpoq. Innuttaasut Inunnik Isumaginnittoqarfimmut saaffiginnittut tamaasa ikiorusuppavut, namminneq siunissami ikiorsinnaanngortillugit.

-Saaffiginnittut tamarmik sullissisut peqatigalugit suliassaq nalilersoqqissaartalissavaat. Suleqatigiillutik ajornartorsiutip qanoq qaangerneqarsinnaaneranik suleriaasissamik pilersaarusiortalissapput. Tamaaliortoqartalernissaa isumasioqatigiinnit piumasarineqarpoq, ikiuutisisarnerup sukaterneqarnissaa kissaatigineqarmat, borgmester Kiistat P. Isaksen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat